RESPOSTA

                                              RESPOSTA

“Home de aluguer” 207 páxinas, para min é un libro alfaia sobre a Galiza rural na que habito. Un prontuario, unha introdución á triloxía: “A vida é literatura” 1.579 páxinas que, é unha especie de tratado , unha enciclopedia sobre a Galiza , referida.Creo que son catro novelas auténticas, vivas, magníficas, que todo o mundo debería ler. Apostei vida e fortuna a elas e a algunhas literaturas máis...non me arrepinto de habelas escrito, pero agora sei que a xente pode vivir e vai vivir perfectamente ignorándoas e non vai pasar ren.

Neste mundiño literario todo é dunha impredicibilidade sospeitosa...aquí se pides auga péganche unha patada na cabeza. ¡ Non hai misericordia! o que teña que suceder sucederá... o francés Paul Valery na súa obra: “Monsieur Teste”falaba do oficio de escribir coma unha ocupación delirante. Eu aquí en Esmeralda, advirto unha guerra de egos encerrados en torres ebúrneas dirixidos pola prensa escrita e dous ou tres editores estelares. ¡Nunca os escritores foron tan pouco!.....

En canto ao pobo galego, na actualidade, nin é sabio, nin ten características especiais. É un pobo do montón, errante, case xudeu, en diáspora permanente, máis que nada por caracter e falta de orgullo, sen grandes valores, mal dirixido de maneira permanente, amedrentado dende a desapiadada guerra civil,  axeonllado dende sempre diante dos santos, ebrio nas romarías, cheo de traidores e conspiradores fascistas nunca xulgados, afeito aos chistes negativos dende o Quíxote.Un pobo subsistente, improvisado, dirixido impunemente dende as viciosas vilas, que da como resultado un pobo doído e doloroso que perde por malleira diante do seu imponderable marco xeográfico...máis ou menos... aínda que claro, tampouco...

Por R.S. Lago.