MAREANDO A BALBINO
-¡Balbino!
¡Balbino! Dille a teu pai que che dea o estatalá que está debaixo da machada de asas que temos
colgada do gancho de poñer en canal aos cochos no alpendre vello.
-¡Mamá!
¡Mamá! Di papá que primeiro lle des ti a
el a pedra de afiar as agullas que está debaixo do cribo que temos metido
dentro da cesta de vergas que gardamos na cabana nova.
Mira
meu neno, vai ser mellor que antes que nada, collas a peneira do trigo e enchas
a cesta de vergas con auga da fonte dos ceos para darlle de beber aos
biosbardos que trouxo teu pai onte de Porta de Conde e despois xa te ocupas de
vagar de buscar o estatalá e máis a pedra de afiar as agullas.Leva contigo a
machada de facer as sangres nas brañas, o berbequí de furar os gabexos de
adega, unha trepia da lareira da cociña do forno e o adival por si chos pide
prestados a señora moura que custodia a fonte e se che ofrece a cambio un monte
de cagallas de ovella ou cabra encol dunha folla de verdura, ti cóllelas e
volves escopetado para a casa sen cruzar verbas con ninguén, que ao mellor
convértense en pebidas de ouro e así xa che podemos comprar a vídeo consola
nintendo nova, a tablet galaxy e máis o dron phanton, todo xunto, coma nos
venres negros.
-Vou
alá logo ¿ e se pregunta por min papá?
-Non
te preocupes que con el xa me apaño eu, e ri para si mesma.
-¿Onde
vai o rapaz?
-O
rapaz ten ocupación para rato...
-Agora
xa entendo a túa vil e luxuriosa manobra: ¡tes a rosa leda e queres verlle a cabeza
ao calvo do piso de abaixo!
-Por
dicilo de algunha maneira meu rei...veña tira para o moble que hoxe vaiche
chegar o formigo as plantas dos pés.
Nota: Balbino é o neno rural, protagonista da novela máis
traducida e vendida de Galicia, ata o presente:”Memorias dun neno labrego”1.961
en Edicións do Castro, da que foi autor: Xosé Neira Vilas(1928-2015).Ao morrer
o autor, o entonces presidente da RAG, Xesús Alonso Montero dixo que todos os
nenos nacidos e criados no rural galego quedabamos un pouco orfos; este é o meu
pequeno homenaxe a Balbino, un rapaz da aldea, e ao seu autor do que fun amigo
e visitante en vida, na súa entrañable aldea de Gres en Vila de Cruces, preto das
ínsulas que se forman dentro do canle do río Ulla.