CHAN
DOS SANTOS
Parece mentira, pero é verdade absoluta, como a desafecta
comunidade de montes en man común da parroquia de Barro no concello do mesmo
nome, esta deixando abandonado por aparente falta de uso o histórico campo de
fútbol “Chan dos Santos”, á marxe dereita da estrada que leva a igrexa patronal
de San Breixo.
O que resultaba un lugar idóneo e ideal para andar ou
correr arredor do campo de fútbol, está agora mesmo convertido case, case, nun
monte bravío impracticable. Unha pena porque algúns cidadáns do concello grazas
a este saudable espazo podíamos facer algo de deporte, lonxe dos herméticos
ximnasios de pago e das instalacións municipais: pavillón dos deportes, piscina
e campo sintético do cesto redondo, que parecen coto privado de xente nova
federada con horarios e normativa por saber...deixo pois a través deste
apuntamento nota destas lamentables circunstancias, por si a alcaldía pode en
acordo coa referida comunidade de montes adecuar tan mítico feudo. Nestes
tempos de pandemia si en verdade se fixesen por uns e por outros as cousas con
algo de xenerosidade e cabeza: Chan do santos, non estaría convertido nunha sórdida
pataqueira que só inspira mágoa e vergoña allea.
Persoalmente consolábame poder ir correr alí
libremente de vez en cando lonxe de autos e outros vehículos...por iso invito a todos os dirixente parroquiais e municipais a que sexan dos bos e
xenerosos que tanto necesita esta comunidade e máis cedo ca tarde fagan algo
por recuperar as históricas instalacións e non impidan así que a xente poida
practicar algo de deporte alí. Non descoñezo os atentados que ao longo do tempo
ten sufrido o recinto cousa que lamento e que supoño na cerna do seu actual
estado. Dixen.
Venres
28/5/21
