Algo quererá dicir...

 

                                  

                                Os doce alcaldes dos concellos máis poboados de galicia

 EU NON FAGO PRISIONEIROS

Diario Oficial de Galicia (DOGA) Decreto lei nº 25/2021

de 17 de Maio para todos os que leran e entenderan

e para os outros tamén que a ignorancia non exime do cumprimento das leis.

REFORZO DAS HONRAS E CERIMONIAS DE ACATAMENTO E RESPECTO

CARA OS 313 ALCALDES DA COMUNIDADE AUTÓNOMA GALEGA.

ARTÍCULO ÚNICO:

1.-Todos os martes e xoves de cada semana,

antigos días de moza e cortexo nupcial, terá lugar xunto ás bandeiras despregadas

a ablución e lavatorio público das gónadas ou cricas dos alcaldes ou alcaldesas;

a intervención hixiénica que durará media hora exacta de 11 a 11,30 horas da mañá,

levaraa a cabo o secretario municipal e dous operarios designados por este.

Utilizarase xabón líquido negro da Toxa patrocinador do presente decreto lei

o secado farase mediante aparato idóneo enchufado á rede eléctrica.

Esta limpeza íntima e cerimonial que xa se practicaba nos antigos castros

será pública e susceptible de gravarse e transmitirse polas tvs locais.

As alcaldesas e alcaldes afectados facilitarán o éxito da operación

deixándose manipular as partes pudendas en todo momento

e aportando a impedimenta necesaria para esconder as zonas sexuais

non requiridas polo tenor literal deste decreto lei.

2.-Durante este lavatorio representativo da limpeza e a transparencia

que debe estar sempre presente nas cacholas dos nosos representantes

sonarán os afoutos acordes do himno galego en lata ou en vivo.

3.-Este decreto lei en pouco tempo ampliará a súa aplicación

a todos os conselleiros, presidentes de deputacións, delegado do goberno

ata alcanzar ao mesmísimo presidente da comunidade autónoma.

É de xustiza. Cúmprase.