A fonte das palmeiras de Caldas de Reis
recen restaurada cumpre cen anos
un século de existencia silenciosa
botando o seu fiíño de auga fría
para que beban as urracas e as pombas
A fonte das palmeiras de Caldas de Reis
ausencia presente distancia cotiá
calada,muda,corrente,saudable
cumprindo a súa función líquida
saciando a sede de paxaros e rapaces
maiormente
A fonte das palmeiras de Caldas de Reis
fría, nin quente, presente,canalizada
ao sur da igrexa de santo Tomás de
Canterbury
deixando correr a auga no tecido do tempo
testemuña dun século sen noción de Cronos
A fonte das palmeiras de Caldas de Reis
invisible, transparente, de pedra vella
celébrote restaurada,viva,humilde,certa
creo que somos a mesma clase de xente
deito eu letras e ti auga de seu enigmática.
Sábado 18/7/2020 por rslago.
Ningún comentario:
Publicar un comentario