Publicacións
AGORA OU NUNCA GALEGOS CREBADE AS FURNAS COS VOSOS VOTOS VALENTES
E XENEROSOS.
Vamos a ver queridos galeguiños de
a pé, habitantes de Galicia ou tamén Galiza, o próximo domingo día 12 de Xullo
do ano 2020 – 84 anos menos seis días despois do inicio da fratricida guerra
civil española, en tempos ruíns e cativos para todo Europa e para o mundo en
xeral: ¡ lembren as dúas brutais guerras mundiais! Etc.- estamos chamados a
votar nas eleccións autonómicas.
A verdade é que eu coma moitos
sentímonos algo ou tamén bastante desenganados desta democracia neoliberal que
tende a converternos a todos en proletariado barato consumidor votante cristián
e pouco máis.Pero alguén ten que poñerse ao fronte da xestión. Non existe
ningunha outra vía posible; porque claro ou nos manda un militar ditador
abrigado polas balas ou nos dirixe un ordenador gran irmán coma o que xa existe
na facenda pública central, unha tal “BERTA”, xusto coma o canón grande dos
alemáns na primeira guerra mundial do ano 1917, ou alén anarquismos utópicos,
podemos optar por la democracia estocástica por sorteo sobre o censo coma na
lotaría. Claro que a última fórmula aínda é unha fábula filosófica, que axexa
unha apatía total das sociedades futuras, cando ninguén queira ser dirixente
porque a política vai consistir nunha discreta xestión eficaz incorruptible...
En fin, volvendo á realidade dos
tempos coronavirus máscara que corren, o domingo eleccións autonómicas, hai que
ir votar, débese ir votar; certo que entre nós non é obrigatorio, noutros
países si que o é, senón participas múltante ou que tes que facer algún
traballo social...Estamos pois aquí en que se debe facer uso do dereito de
sufraxio universal activo,individual e secreto que definen as leis políticas e
que tanto custou conseguir no pasado.
Vero que a abstención o
desentendemento é unha maneira pasiva de participar, como o é votar en branco
ou facer nulo o voto de propósito.Isto é así e xa con 42 anos de democracia no
reino de España dende a constitución de 1978 entendese todo o apuntado de
dominio común pondo un mínimo de interese pola sociedade onde ben ou mal vamos
respirando.
Vero tamén que os elixibles, os
candidatos, van disfrutar dun salario, unhas dietas e unhas honras que a
maioría dos votantes non van alcanzar por moito que se esforcen.Así de
paradoxal é a democracia eliximos a man que nos tralla e dirixe.
Creo que hai dez ou máis
candidaturas, non obstante hai tres principais consonte as controvertidas
enquisas: o P.P. conservador e de dereitas do actual presidente Alberto Núñez
Feijóo, o PSOE progresista de esquerdas de Gonzalo Caballero e BNG nacionalista
separatista de esquerdas de Ana Pontón...
Sigo: eu son nado na xemida década
dos 60, estame chegando o sentido común coma faísca ou area, nunca militei, nin
milito en ningún partido político, a min o que me guía é vivir e traballar
polos meus intereses respectando as leis sociais, facer as cousas o mellor que
poida e ser unha persoa civilizada e amigo dos que me queiran; quede claro todo
iso, polo referido estou aquí para lembrarlles que: o AVE aínda non chegou
atrancado na orografía do terreo que da acceso a terra santa,
esmeraldiña,bonsai atlántico, doce Liliput, país dos mil ríos, finesterrae;
chámelle cada quen como queira e diga Galicia ou Galiza, a AP9 sigue sendo de
pago, moitas fábricas pechan ou buscan outros aires, o rural é un misterio
teosófico o idioma das cantigas medievais non se respecta como é debido etc. As
outras comunidades históricas van décadas por diante de nós e por métodos discutibles
son capaces de medirse coa corte dos milagres en verbas de Valle Inclán:
¡Madrid! ¿E nós qué?...a nós nin sequera non ferve o sangue e en catro décadas
non fomos capaces de dicirlle ao resto das españas, ¡coidado! Polas boas, sen o
sangue vasco, nin o vandalismo catalán, ¡estamos vivos, temos forza, téñannos
en conta señores...!
Así que lle aconsello que
participe, vaia votar e vote con valentía e xenerosidade, non deixe que ninguén
decida por vostede, confío na súa decisión...
Luns 6 de Xullo do ano 2020. Por
RSLAGO.
Ningún comentario:
Publicar un comentario