¡MALDITA TRISTEZA!
A
tristeza é unha enfermidade do espírito humano resistente, insistente e
poderosa que, busca a maneira de estar en ti para fundirte, por dentro.
Hai
que ter moito coidado con semellante fantasma desolador.
A
tristeza non vale para nada vital, nin positivo; é unha fera salvaxe que, soña
con acabarche coas gañas de vivir.
Contra
a tristeza existencial dos máis ousados pensadores, ese desacougo do tamaño do
cosmos, non hai remedio: médico nin relixioso, se chega coa súa sombra espesa e
dramática, hai que recibila con educación; como se reciben os xenerais
inimigos, cando pola forza das armas ocupan un territorio alleo e inventan un
baile de gala para lucir as medallas e deixarlle ver aos vencidos o brillo
gañador da súa mirada.
Pois
coa tristeza o mesmo, educación , boa disposición e valsear.
Gustave
Flaubert, advertía: “Coidado coa tristeza.É un vicio”
Si
por ser, tamén é o vicio do desencanto e da impotencia agónica, diante das
preguntas oxidadas e sen posible resposta.
Claro
que despois de danzar civilizadamente, hai que empezar a cavilar nun plan capaz
de aniquilala ou polo menos facela fuxir do noso lado coma unha gata escaldada.
Recíbela
hospitalario e logo expúlsala de ti con toda a contundencia que logres acumular.
Pódela
apuntar cunha arma de fogo se a tes á man, por suposto debes: agora xa si,
insultala coas verbas máis feridoras que poidas concibir; incluso debes
perseguila un bo treito de camiño coma se foses un lobo feroz correndo detrás
dun asustado cabritiño.
Non
teñas piedade dela, rómpea, mátaa, estrágaa, derrámaa, para que se confunda
coas pedras e o po do camiño.
Se
non queres contigo á tristeza, tes que vencela coma un gladiador na area do
circo e cravarlle a ferramenta de combate ata a empuñadura para que se rompa en
cen mil anacos e cisque todo o seu veleno amarelo.
Estás
no teu dereito, é o combate da túa vida, cúspelle e ouríñalle nas feridas, inxéctalle o teu odio en cada
célula e cando expire fai unha fogueira coas súas roupas tristes e fantasmais.
Ningún comentario:
Publicar un comentario