Publicacións
SOBRE
A LINGUA GALEGA
QUERO APROVEITAR ESTE ACTO TAMÉN
para solicitar de todos os galegos de corazón,
institucións públicas e medios de comunicación
unha maior implicación co noso idioma Galego.
Somos unha das tres Comunidades Autónomas históricas
do estado español, o noso deber como contemporáneos
é avanzar polo camiño dun galeguismo tolerante pero esixente
no uso e propagación da nosa fermosa lingua.
A lingua é un ben inmaterial do espírito
creada polos nosos devanceiros a base de valorala e darlle uso
aínda nos momentos históricos máis desfavorables.
¡Falemos Galego a cotío!.
Da vergoña allea oír como aínda se fala castelán
en organismos da Xunta de Galicia, nos diversos servizos do Sergas,
na ensinanza e nos Concellos.
Galicia non se merece semellante traizón
e falta de compromiso coa súa lingua.
O Galego é un idioma perfectamente válido
para transmitir e recibir ideas novas
en todos los eidos do saber humano.
Resulta ademais especialmente favorable
para entender e transmitir ideas nos países lusófonos.
¡Amemos e queiramos o Galego coma unha distinción!
¡En Galicia falemos Galego sempre!.Grazas.
Luns 20 de Abril do ano 2.015. R.S.Lago.
Ningún comentario:
Publicar un comentario