Entrevista feita por Fito Gago para o faro de Vigo de fecha Mércores 7 de febreiro do ano 2024, sobre a Triloxía: A vida é literatura...

 

Entrevista que me fixo Fito Gago para o Faro de Vigo

Acto de presentación da triloxía: A vida é literatura da editorial Autografía S.L. de Barcelona

 

 A EMOTIVA PRESENTACIÓN DUNHA TRILOXÍA NOVELÍSTICA DENOMINADA: A VIDA É LITERATURA.

O pasado sábado 11 de novembro do ano 2023 ás 18 horas da tarde, tivo lugar na casa comunal da xunta de montes da parroquia de Portela do concello de Barro, a presentación da triloxía novelística titulada: A vida é literatura, editada en tirada especial pola editorial Autografía S.L. de Barcelona. A mesma está composta polos seguintes volumes: Volume 1.- A vida é literatura 373 páxinas. Volume 2.- O espello dos paxariños 347 páxinas. Volume 3.- No ventre do labirinto 381 páxinas, obra do autor veciño da tal parroquia RS Lago.

Pese á persistente choiva fina outonal, no interior do local, xuntáronse case cen persoas, entre parroquianos, xente do resto do territorio municipal e amigos e familiares do autor. O acto conducido polo presidente da comunidade de montes Óscar Fontán Salgado, contou coa presencia do escritor e avogado de Sanxenxo: Carlos Quintia Celaya, que tomou a palabra en primeiro lugar para defender a laboriosa creatividade do autor ao longo dos anos, reclamando para el, un lugar de maior relevo dentro das letras galegas e incluso nas nacionais; referiuse ademais á forza filosófica de triloxía e resaltou as moitas e variadas lecturas do autor ao que cualificou de persoa sabida, letra ferido e autor de culto, que sen dúbida quedará na historia da literatura dunha maneira ou doutra...

A continuación falou Bernardo Sartier Boubeta letrado da deputación provincial de Pontevedra e destacado articulista nas páxinas do Diario de Pontevedra, quen, fixo un repaso polo moitos anos de amizade con RS Lago, dende a época de estudantes no Instituto Sánchez Cantón como despois na UNED como estudantes de dereito, entre outras episodios e consideracións literarias; este, coma o anterior intervinte, para rematar as súas respectivas intervencións leron algúns parágrafos dos libros, moi celebrados polos asistentes...

 Cerrouse a presentación coa intervención de RS Lago, quen, tras agradecer a resposta dos veciños, leu un “Eloxio da lectura” escrito para a ocasión.

Por membros da xunta de montes repartíronse libros entre os asistentes, para celebrar sobre o terreo literario básico da triloxía a súa existencia, o autor firmou exemplares aos requirentes ata cansar o pulso e a continuación degustouse un magosto de castañas con bebidas varias, para finalizar tan memorable evento coa intervención do grupo de pandereteiras Peñaflor.

No evento estivo presente o tenente de alcalde municipal do Psoe : Xosé Sanmartín Soto, quen, incluso, se preocupou de difundir nas súas redes sociais fotos e comentarios sobre o alí acontecido...Así foi... Por RS Lago autor literario.     

                                            Foto nº1: A triloxía

Foto nº2: O acto da presentación.

                                            Foto nº 3:- O autor e o presidente da Xunta de montes.

                                            Foto nº4.- A merenda posterior.